الحلقة الثانية : قصة حياة جنيه
**********************
خد عبدالعال الجنيه
والفرحة جوه عنيه
كتّم ونام عليه
ومحدش ملا عنيه
مهو معاه الجنيه
ومين فى الدنيا قده
ومين يقدر عليه
دة اللى معاه الجنيه
غلب الأستاذ والبيه
وتقول يا فندى ليه
مادام معهوش الجنيه
خلينا فى عبدالعال
الظابط المرتشى العال
وكلها حرام .. حرام
ومفيش لقمة حلال
ومنين يجى الحلال
هتدوخ يا ابوالعيال
عشان تاكل لقمة حلال
وعشان تربى العيال
محتاج فلوس تلال
وانت يا عبدالعال
معاك بنت وولدين
بياخدوا السنة فى سنتين
على طول كدة تايهين
وفى كل مادة دروس
وأهو كله بالفلوس
وادفع يا عبد العال
دة مدرس العلوم
ودة عربى مش معلوم
ودة مدرس الأحياء
شاطر فى الكيمياء
عادل مالوش فى الفشر
واليوم أول الشهر
وبيسأل ع الجنيه
وادفع يا عبدالعال
وعبدالعال بيه
ما بقاش معاه الجنيه
وساعتها هيسوى ايه
هيبقى عادل بيه
عشان معاه الجنيه
مبروك يا عادل بيه
وافرحى يا مرات عادل
جوزك بقا راجل
وبقا شايل جنيه
انتظروا الحلقة الثالثة