الجنس : عدد المساهمات : 1557 النقاط : 4601 التقييم : 2 العمل : فى الحلم الجديد
موضوع: البارحة شفت الوطن بالطيف اجاني البارحه .. الأحد 10 أكتوبر 2010 - 13:45
البارحة شفت الوطن بالطيف اجاني البارحه .. گتله هلا ومية هلا يابو الخيول الجامحه .. مديت اديه تسالمه شفت الگلب قبل الجفوف يصافحه .... شلونك گلت ياموطني وظنوني ظلت سارحه .. وانقطع وسطي من الخجل من الخجل وعيوني ظلت شابحه.. قال اطمأن ياولدي كفتنا هي الراجحه .. گتله الْيِرد ياموطني لحضنك الدافي تسامحه !! .. گال اْليِرد وإلْما يِردْوحتى الْيِفكر بالوطن ذنوبه كلهن طايحه .. بس الْيِخون اُمّتهْ ما يستحق نقراعلى روحه الفاتحه .. گتله يبه ياموطني عندي حجي بغزر الدموع المالحه .. گال احجي گول شما گلت طبع الوطن مثل الابو واجب عليك تصارحه .. گتله يبه ياموطني ليش انت من دون الدول صاحت عليك الصايحه ؟؟ وليش انت من دون الدول أطفالك الحلوين بالدم سابحة ؟؟ وليش انت من دون الدول بكل بيت عندك نايحه ؟؟ وليش انت من دون الدول ناسك إتْصبّح نازحه ؟؟ وليش انت من دون الدول جيرانه كله اتواكحه ؟؟ وليش انت من دون الدول يا ثور بالعالم قوي تركض عليه تناطحه ؟؟ متْقلي منهو الْخبلك يا بو العقول الراجحه !! .. شفته ضحك .. شفته ابتسم لمن حِجى و جاوب اجابه واضحه .. قال اعتقد يا ولدي .. المشكله مو بالوطن .. المشكله بالحجاج هو الذابحه .. يبقى الوطن هو الاصل والناس هي الرايحه .. كفكف دموعك ياولد ادري بغريب الدار شوگه الجارحه .. وادري بغريب الدار كل ما يِعتلي وكل ماصعد وشْما كسب خسران كل ما رابحه .. حتى الطيور إلها وطن تهاجر لجل لمن يهزهاالشوگ ترجع طافحه .. وحتى النخيل إلها وطن ما تنشتل إلا بأرضنا المالحه .. بس إحنا نبقى لِشْ وكت يا موطني نحلم وطنا نصافحه ؟؟ .. وخلاف الوطن تبقىالبشر مثل البهايم دايحه .. والبارحه شفت الوطن بالطيف أجاني البارحه ..
الحلم الجديد
Admin VIP
الجنس : عدد المساهمات : 3701 النقاط : 8342 التقييم : 18 العمل : صاحب منتديات الحلم الجديد
موضوع: رد: البارحة شفت الوطن بالطيف اجاني البارحه .. الأربعاء 10 نوفمبر 2010 - 10:36
الجنس
عدد المساهمات
النقاط
التقييم
العمل
موضوع: البارحة شفت الوطن بالطيف اجاني البارحه .. 
الأحد 10 أكتوبر 2010 - 13:45
