والله أندمه !.
لكل من تعرض لخيانه من قبل من يحب
مات جوه الكاع حبك من بعد ما جان نجمه
وشرجي صار العمر بعدك يل جنت بايامي نسمه
احنه سبحه وطش خرزها وما نرد هيهات لمه
دنيا جذابه وكيحه والوقت ماعنده ذمه
وانه حزني الجان جاهل من هجركم صار زلمه
والله ندمه
هيه وصلت انسى اسمي وما نسيت بيوم اسمه
وروحي بيني وبينه صارت لاهي يمي ولاهي يمه
شما اريد الزمها عنه روحي ما تنطيني لزمه
والله ندمه
حصدوا بستان وردك وانه حسره عليه شمه
وكالوا المقسوم يحصل وانتظر تجمعنه قسمه
لو سمعت اجدام مرت كلبي فرفح كال جدمه
والله ندمه
حسبت يذكر محبتي وبالبواجي عيونه تعمه
بطلت عينك البواجي ورضت بشفافك البسمه
والله ندمه
شمعي نورته بطريقك وانت شمعاتك مظلمه
كلي يا نوم الانامه ويا حلم كلي الاحلمه
كافي وانساهم ياقلبي وذوله موش وجوه نعمه
تكتب بدمك رسايل للي مايسواش كلمه
وبعد لاتحمدلك احد تالي هم تحتاج ذمه
منقول !.
تحيتي للجميع !.