مسجات سفر جديدة على الحلم الجديد

مسجات سفر

لا تسافر .. وتتركني ..
اجاهد غلاك ..

كل شي .. يهون ..
الا جهاد الغرام ..

اختار .. ياتبقى معايه .. او اسافر معاك ؟؟

لا تسافر وانا في رجا الله ثم رجاك
لا تسافر وترجع وتلقاني بقايا حطام ..


****

سافر عسى ربي يحرسك وياقاك ......... هذا البخت عزاه وش في يد يني

يا شين باكر يا حبيبي بلياك ......... لا جاء وعدك اللي بوقته تجيني



****

قلت لي يومها انك مسافر
حسيت بقلبي هم وضيقه
قلت اسكت وبصبري اكابر
ما وعيت الا وانا بدمعي غريقه
تجهل الاحساس ببعدك والمشاعر
حملتني هم ماعدت اطيقه
ارجع وارحم قلب محب صابر
تشتعل بجوفه اميه حريقه



****

بكره السفر يا شين والله طرياه
ياشين وقت الوداع ويا شين طاريه
بكره مسافر ياخذ القلب وياه
خطوه بخطوه يتبعه في خطاويه
بكره عذابي يبتدي يوم فرقاه
وبكره يموت القلب محدٍ يواسيه
وشلون أبصبر عنه اليوم واسلاه
وشلون أبنسى غيبته لا حكو فيه
بالحيل أحبه واعشقه حيل وهواه
حتى بغيابه أعشقه حيل واغليه




****

بيني وبينك ما تصير التفاريق
مدام حبك كل شي بحياتي

بعض الكلام يحسني حيل واضيق
واقابل امواج العتاب بساكتي

لا لا يهمك جميع المخاليق
مادام انا ذاتك وانت ذاتي




****

بسامحك يا عابر الشوق مره
واقول وش حدك على قطع وصلي

بين العذاب وبين وقت المسره
دقايق تبكي معي واضحكت لي

لله در الحب .. لله دره
كم عذب العشاق قبلك وقبلي





****

ما خبرت الحب انا قبلك صعب
لين اعماني من الريح الغبار

كل عمر راح قبلك ما انحسب
تايه مالي ابلاد ولا ديار

كان لي حنيت ذا عز الطلب
وكان ما حنيت نسيانك قرار




****

دل الطريق وضيع الوقت غاديه
بين الزمان وبين قسوة ظروفه

لا عاد يبكيني ولا عاد ابكيه
ولا عاد هو شوفي ولا نيب شوفه

اقفى وخلاني ولي حاجة فيه
واللي منعني عنه خوفي وخوفه





****

انت مثل البحر لك قلب كبير
عشت في دنياك في حب وسلام

انت مثل الغيم خير وفيه خير
صرت نوم اللي عيونه ما تنام

انت مثل النور في عين الضرير
لا لمحتك ما بقى حولي ظلام





****

ابكي على ما فات واضحك لما فات
واصبر واخفي ونة مستكنه

ان قلت يرجع لي يقولون هيهات
وعني مقادير الظروف أبعدنه

عاش الهوى بسكات وانهار بسكات
مثل الشجر لا مات بسكات كنه




****

طريق الليل ليمن جيت امره
دعاني صوتك الدافي دعاني

ياليت اسرق من العمر المسره
ياليت انه معك يوقف زماني

علي متأخر بالحيل مره
وراح الليل صوتك ما لفاني




****

ياشين بعدي عنه والنفس تهواه
مقوى بعاده لي ولا غيب عنها

حبه نشا في خافقي ثار بدماه
اتصير منه الروح ويصير منها

وان قالوا انسى قلت صعب انساه
وغلطات غيري صرت انا ادفع ثمنها





****

يا بعيد الدار من عيني بعيد
الله اكبر كيف تبعدك الظروف

منت عقبي .. منت مرتاح وسعيد
وصرت عقبك بين هم وبين خوف

آه لو يكتب لنا عمر جديد
كان عشنا سطر من بين الحروف





****

من يزرع الوردة على الصخر غلطان
مثل الذي ينقش على الماء قصيده

خدعتني مالي عليك أي برهان
وان انهضم حق الخوي من يعيده

قل وش بقى عقب الذي بالهوى كان
واذا نقص عمر الهوى من يزيده





****


عذبتني شك وغيره وتخويف
ولا طعت أنا منهو نصحني نصيحه

نهايتي وياك من دون توصيف
بين الرجا والياس عقبك طريحه

عيبي عطيتك حب من غير تكليف
واني معك عند المواقف صريحه





****

أعيش العمر من عقبك وحيده
واردد لك صدى صوت القصيده

الا يا مبعد عني مهاجر
دموعي آخر علومي الجديده

اسافر وابتعد عنك والاقي
رماد الشك للخافق حصيده