الحلم الجديد
Admin VIP
الجنس : عدد المساهمات : 3701 النقاط : 8342 التقييم : 18 العمل : صاحب منتديات الحلم الجديد
| موضوع: للبنات ادخلي و اختاري اكثر موقف مضحك... الجمعة 26 فبراير 2010 - 12:13 | |
| يالا يا بنات الكل يصوت لاكتر موقف مضحك
الموقف ده حصل يوم ما عملت عملية اللوز كنت فى خامسة ابتدائى وطبعا اللى بيبقى عامل العملية دى بياكل ايس كريم كتير اوكى المهم فى يوم جهة يزورنى اطفال العيلة كلها وكنت عمالة اكل ايس كريم وجانبى عصير وحاجات ساقعة كتير ودول هايموتوا على حتة ايس كريم وانا عاملة نفسى ولا انا هنا وكلت كل حاجة وبعد ما مشيوا جالى مغس واسهال بجد قعد 3 ايام ولما جم تانى بردوة مش اديتهم حاجة ولما كبرت افتكرت الموقف ده ومت على روحى من اللى كنت بعملة فى العيال ده انا كنت شريرة اوى
كنت فى رحلة مع المدرسة وكان معانة مدرس هو المشرف علينا وبعدين قعد وقال يالا يا جماعة علشان تستريحوا وتكلوا وهو كان جاى من غير اكل وبعدين قعدنا كلنا وانا كلت وبعد ما خلصت فتحت علبة كنز اشربها قالى اية دة الى ياكل لوحدة يزور وخد منى الكنز وشربها كلها يا خسارة الكنز
مره كنت راحه الكليه وكان لسه مكان واحد فى الميكروباص على الكرسى القلاب فطلعت عشان اركب وكانت العربيه كلها ريحتها جوافه ومن قدرى كان راكب جنبى واحد صعيدى فانا جايه اطلع اركب وده منزل راسه تحت الكرسى ايلى طالعه اقعد عليه والسواق يقولى اركبى وانا مش عارفه اعمل ايه؟؟ المهم طلعت استنيت لحد لما ده شافنى واتعدل وطول الطريق ده كل شويه الاقيه بينزل تحت الكرسى ايلى انا قاعده عليه ويبص ويطلع تانى انا حاسيت انى وشى ولع منى وقلت اليوم ده مش هيعدى على خير اصله هينزل ويكون بيبص على ايه يعنى؟؟ وطول الطريق(ساعه ونص) وانا قاعده مش مرتاحه ولاصقه فى الشباك وماسكه بايدى وسنانى فى الزجاج ولا عارفه انزل فى نص الطريق ولا عارفه اتكلم..
طب اعمل ايه؟ انا حسيت انى فقدت النطق من الخضه المهم ربنا ستر وده قال للسواق اقف ياسطى عشان انزل انا قلت احمدك يارب اخيرا هرتاح فوهو نازل لقيته نزل راسه كلها تحت الكرسى وطلع وفى ايده كيس اتارى ياعينى الراجل كان معاه كيس جوافه كبير مكنش عارف يحطه فين فحطه تحت الكرسى بتاعى بحيث يكون جنبه وشكله كان خايف انى ادوس فى الجوافه ابوظها له فكل شويه ينزل يطمن انى رجلى بعيده ويطلع بس هو نزل من هنا وانا مقدرتش امسك نفسى من الضحك على شكلى بس الراجل عنده حق هو ياعينى طلع كان بيدافع عن كيس الجوافه ضد عدوان رجلى بس الحمد لله كنت هعمل مشكله من غير اى لازمه وربنا ستر
كنت مرة في المدرسة بتاعتي وهيا طبعا للبنات وبس وكل اللي فيها ستات فكلنا كنا قاعدين عادي بشعرنا وكانت حصة انجليزي فانا كنت بعدل شعري وفجاة التوكة وقعت مني ولسه بدور عليها راحت الابلة نادتني وقالتي قومي اكتبي كلمة معينة على السبورة وانا بقى محتاسة ازاي اطلعي وشعري مفكوك كده قدام الفصل كله وبعدين معرفتش اعمل رحت مضطرة اقوم اول ما طلعت على السبورة الفصل كله سكت من المفاجاة لاني مش متعودة اظهر قدامهم بشعر مفرود بس كنت مسشورة الحمد لله وكنت محرجة بس الموقف عدى على خير
مرة كنا رايحين نزور ناس قرايبنا واختى الصغيرة عندها سنتان وكنا جايبين معانا طبق حلويات وهى مسكت فيه واحنا ماشيين من عندهم وقعدت تعيط وتبكى علشان تاخد الطبق معاها البيت وقعدت تقول دة بتاعنا بابا هو اللى جابه وعضت الرجل من ايده علشان تاخد منه الطبق طبعا كان شكلنا وحش اووى
دي بقي المواقف كل واحده تختار اكتر موقف يضحك1-الموقف الاول 2-الموقف الثانى 3-الموقف الثالث 4-الموقف الرابع 5-الموقف الخامس | |
|
الحلم الضائع
مدير عام
الجنس : عدد المساهمات : 4510 النقاط : 5942 التقييم : 8 العمل : نائب المدير
| موضوع: رد: للبنات ادخلي و اختاري اكثر موقف مضحك... الخميس 18 مارس 2010 - 16:57 | |
| يسلموووووووووووووووووووا جدا جدا جدا | |
|
ملك المنتدى
مراقب عام للمنتدى
الجنس : عدد المساهمات : 3049 النقاط : 5202 التقييم : 11 العمل : مراقب عام
| موضوع: رد: للبنات ادخلي و اختاري اكثر موقف مضحك... السبت 19 يونيو 2010 - 13:16 | |
| | |
|