رسائل من أعماقي
,
هنالك العديد من الرسائل حفرت بأعماقنا
تاركة خلفها الكثير من الحزن والأسى
وددت أن أضعها بين أيديكم آملا أن تحوز على رضاكم
•
•
•
تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشقيني
•
•
•
علميني !؟
لاسألني الشوق ويني !؟
تسأليني !؟
أنت وين ؟
واسمعيني !؟
لاصرخ هالجرح فيني !؟
وأسأليني !؟
يعني وين ؟
يعني وين !؟
في دهاليز التعب !
في ممرات الهموم !
عند ركنك يالضياع !
عند بيتك يالحنين !
وتسأليني !
يعني وين؟!!
•
•
•
الموت أحتضن روحي ونفسي من يعزيها
أنادي والكفن بيدي على تشييع جثماني
رغم هذا تذكر وصيه طالبك فيها
تجي بيدك تكفني وبعدما أموت تنساني
سموحه ياسبب ماصار عيونك لاتبكيها
أنا كلي فدى دمع تهلينه على شاني
•
•
•
جيتك "بقايا حي" كل اكثره مات ..
وصلت لك ب اخر رمق من حياتي ..
جيتك خوي الخوف في رحله الذات ..
بين الرجا .. وظروفي القاسياتي ..
جيتك من الفرقا كثير التلفّات ..
جيت انتحر في نجلك الناعساتي
جيتك مزيج جروح ودموع وآهات
نديم ل عيون الاسف والشماتي
جيتك شظايا تشتعل شوق ب سكات
ما ادري حزن مدري سعاده سكاتي
جيت استظلك من شموس المتاهات
عيت تظللني تحتها عباتي
وابي... أتعافى عقب عذاب المعاناة
على أرصفة اشواقك الدافياتي ..
•
•
•
كنت اتقاسم كل الاحزان وياك
رضيت معك بكل هم ورضيتك
واليوم يوم احتجت لك صرت ما القاك
وانا احسبك عندي متى ما بغيتك
•
•
•
فقير الحظ من مثلي يعاني لوعة الأيام
ولا له بالهوى فرصه يحقق أصغر احلامه
أنا تاهت بي الدنيا وتاهت فيني الأوهام
وقلبي كم شكى حظه وفكري يشكي اوهامه
بلا حاضر ولا ماضي ولا حتى أمل قدام
جفتني فرحة الدنيا وعمري ذبلت اعوامه
أنا يائس .. أنا بائس .. أنا كتله من الآلام
فراغ العاطفه والحب يزيد بقلبي آلامه
أنا باقي " حطام انسان " يحس بلحظة الإعدام
يعد اليوم عقب اليوم إلى من لحظة اعدامه
تساوت عندي الدنيا وصارت في حجم الإبهام
ظلام و " حزن " يكسيني وحظي ويل من لامه
أنا مالي أمل في حب ولا حتى مع الأحلام
أنا مجموعه من الهم وفارس أعلن ختامه
بسلّم سيفي ودرعي واكسّر باقي الأقلام
وب احرق كل أشعاري وذكري باطوي أيامه
أب اطوي صفحة الماضي على كف القدر وانهام
يكفّيني ألم كافي وفكري مل ب هيامه
حرام الجفن ما غمّض قضى عمري وأنا ما نام
عرضت القلب لل عشّاق ولكن ماحد سامه
أب ارحل آخر الدنيا مادام الحظ لي ما قام
ترى موتي ب يكون أرحم من الهاجس واجرامه
وب اطلب ربي التوبه وب ادعي الواحد العلاّم
يهوّن كربتي ويغفر لعبد كثرت آثامه ..
•
•
•
أعيش العمر من عقبك وحيده
واردد لك صدى صوت القصيده
الا يا مبعد عني مهاجر
دموعي آخر علومي الجديده
اسافر وابتعد عنك والاقي
رماد الشك للخافق حصيده
•
•
•
الا ي الليل من مثلي كتم بركان في صدره ..؟!
وصارت عبرته تنفيّس لامن ثار بركانه ..
ولاحدن راف ب أحواله يعاني من صغر عمره
وهو يحسب سبب ضعفه صغر سنه وميزااانه
ويوم انه كبر ي الليل صارت ضحكته " حسره "
كما الطفل اليتيم اللي ربى في وسط عدوااانه
قضى عمره وهو يهدي ل من هو قابله زهره
ويحرم نفسه الحاجه يسدد حاجة اخوااانه
رحوم يسامح المخطي حليم وطال به صبره
شجاع وقدره الدنيا تفرق كل خلااانه
ب وسط الواقع الظالم يعيش وتنقصه خبره
وتدفعه الرياح ولايفيده طول جنحااانه
واذا مرت به الذكرى على ماجاه من دهره
تحطم وارتعد جسمه ويعجز ينطق لسااانه
الايامن يخفف عني اللي سابقن ذكره
ويشفي قلبي المرضان غير الله سبحااانه
الا يالله " متّعني " قبل لاموت لو نظره
واشوف الفرح ب عيوني ودمعي فارق اوجااانه ..