طير من الجنوب.......

آنه طير

امهاجر بغابة عذاب

وللنبع كل يوم أنادي

وللعطش كل يوم أصيح:

راسي من يمتلي غِيره

اجناحي هم يمتلي ريح

آنه طير

من الجنوب الشايل آذار بجبينه

وكل ربيع بطوله يمشي

نخلة نابت

ويه كل ريح احجي كلشي

آنه طير، اشما عليت اثكل

واغني امحمداوي

ع الليالي التعبتني

وع السنين الصارن لعمري بلاوي

وعلى كيفج يا سمه اوياي أنا..

من الريح داوي

آنه طير،

اعيوني من تجدح يشع بيها الحنان

وامي من توميلي بالطيف امتحان

واصدقائي الرايحين ابلا زمان ولا مكان

أنتظر..

يمته يجون

ويجي واحد

أمنت حته الخيانه

وهوه ما بي كل أمان

آنه طير

امتاني سجينة ذبح

ودمي جدامي لكيته يقره بكتاب الصبح

جدي يحفرلي كبر يم امي

ويكل للفلح:

هذا ابن بنتي النهيته من المدح.

تحياتي للكل

منتديات الحلم الجديد , www.el7lm1.com اسلاميات ,
صوتيات ومرئيات , منوعات , برامج , رسائل ومسجات , جديدة , عيد سعيد ,
رمضان كريم , ابداع , احلى منتدى شامل , منوع , 2011 , 1432 عام جديد