كتاب الحقيقة

الموت لا قرب الحلاق من موسه
نوى لدقن الشريف يقش بالقوة
يطبق حناجيره و يملخ له ضروسه
ان كان حصل مقاومه من سموه
حتى ولو أن ضرسه ما دبا سوسه
لازم يعرف ان غيره عنده فتوه
الروس لو تعتلي لابد مريوسه
لو فارقت بينها عوامل الهوة
الشيخ لو يعتدل و يشيل منكوسه
ذكرى زمانه تعكر له صفا جوه
وجهه كما قهوة ِِ بالحيل محموسه
اللون أسود ونكهة طعم ممحوه
لو كان علق في جال البيت فانوسه
كوكب في صدر السما ما يخدمه ضوه
و لو كان حافظ ترى ما توخذ دروسه
حرَف كتاب الحقيقة باسمه و شوه
مريض يبغى يصيب الخلق بنحوسه
لكن عند الخطر ما يملك جروه
مدام رحلة زمانه هي سبب حوسه
تراه في أول طريقه و السفر توه
شين الطبايع تراها فيه مدسوسه
وخوته ما شابهت في خبثها خوه
خلاص جسمك كشفت اليوم ملبوسه
شد الرحال و عفيشك يا ردي طوه
وأن كان زعلان لانشده ولا بوسه
جعل المطر يسقي العربان من نوه
في عبلة ِِ خالية للناس ممسوسه
من الخضار و طويل العشب مكسوه
و الموت لا قرب الحلاق من موسه
ودقن الشريف المضلل حش بالقوة