يا أهل الكويت إن كان في ريح الكويت

يا أهل الكويت إن كان في ريح الكويت
نسايم أهل الطيب مطيب فالها


فأنا لجل عين الخوي جيت وسريت
من ديرتي والله لأجي واعنالها


البارحه في مجلسي قبل المبيت
مدري العيون القشر وش طرالها

وقتن طواه البعد والحظ البخيت
عن صدفتن مافات يوم بحالها


وش عاد يا ذاك المسا لوك بكيت
أبكيت عيني واسمعوا موالها

فديت دربك يالشمالي وإن حكيت
بيحت مافي نفسي من أهوالها

لكن عزمت الليله الليله نويت
أسري ورب البيت هو حلالها

فديت من يطري على قلبي وفديت
الساعه اللي دق لي جوالها



ملزوم يا قلبي ولوك ما هقيت
هذي تباشير السعد تبرالها

وسلام يا ليلن به أسراره قريت
عيون مرسول الوصل بوصالها


هذا الغلا من وقت جابر وأنت جيت
تلحق غلا الديره وحنا فدالها


لو إني من أهل المملكه لكن خذيت
عهدن علي كأني سواة عيالها


وزرعت لأهل الضاحيه كيته وكيت
سنابل فيها الغلا ما احتالها


وسلام يا بابن من الدنيا شكيت
مبطي مغاليقك على قفالها

وسلام يا سورن من الذكرى غديت
حالة ضعيفن حالته يرثالها


وسلام يا شباك أبو فتحه وليت
أغلى الرسايل تم لك ارسالها


وسلام تسليمة محبه لو نسيت
إن مت قبل أقولها قد قالها

هذي حروفي لك هديه يالكويت
شهادة العاشق وأنا خيالها