شو جيت تعمل ؟؟؟؟!!!!!

شو جاي يعمل هَالطّفِلْ وسْط الزّحامْ؟
لكن ما فينا نْحَمّلو عْتاب وْملامْ
ما اختار ييجي ؛من ضميرو وْخاطرو
وْلا الذّنِبْ ذنبو؛وْما انتفع من هالكلامْ

ما اختار ييجي من ضميرو وْخاطرو
وْما عِرِف شو اللي في حياتو ناطرو
وْما فِهِمْ أهوال الزمن وِمْخاطِرو
جايي عَ بيتو يْعيش في خير وْسلامْ

وْيِمكن عّ أيّامو الغيوم بْتِنجلي
وْيرقص مع الأحوال رقصة حنجلي
وْيمكن بيوم يصير قائد مرجلي
وْيعمل على نشر المحبّة والنظامْ

لا بُدّ ما يِتغيّروا عِنّا الظروف
وِالذيبْ يِرعى بِالحقل جنب الخروفْ
وْهالطفل يصبَحْ شاعِر وْكاتبْ حُرُوفْ
وْيِرْوي العطاشى من نبِع عَذْب الكلامْ

» كيف تعمل على توجيه طاقتك
» ما رأيك في أن تعمل إحداها اليوم قبل غد‎
» شوف ممكن تعمل ايه بالقلم الرصاص غير الكتابه
» ساعه ونصف بالحمام ماذا تعمل ؟؟ {قصه حقيقيه}
» مسافر؟؟ تعمل ايه عشان تبقى مطمن على أسماكك؟؟