من روائع الزجل القديم

موسى زغيب:
قبل ما دعوتي بالشعر أرفع -- لْضمير المحكمة وْقدّم ملفّي
اعطيني من الشعر أسمى وأرفع -- تَ كون بنسبة عْياري مْلفّي
وْمتل دفك بْقيت دفوف أرفع -- وْلطفل الموهبة حيّك ملفّي
لحتى صار زند الدّهِر أرفع -- مِنِ خْيوط ال انلفّوا عَ مْلفّي

بطرس ديب :
يا جالس جلسة القاضي المُحَكّمْ -- بِإسم الشعر حتى تدير دفّه
قبل ما تطلق السهم المحكّمْ -- تَ يخرق بين دفّة وبين دفّة
بلا ما تفتح الجرح المحَكّمْ -- إذا بدّكْ عَ ناري التلج دفّي
أو بغنيك من شعري المحكّم -- يمّا بسرّب وْبعطيك دفّي

» روائع الشلالات
» من روائع الإمام الشافعي
» من روائع طلال الرشيد
» من روائع ايمان بكرى
» من روائع ابن تيمية رحمه الله